pare, mukha ba talaga kong gago?

mamasa masa ang daan.. manaka-naka ang pag-ulan.. naglalakad ako sa kahabaan ng Espana ng maramdaman ko ang biglang pagka-uhaw. niyapos ko ang aking lalamunan at bagyang napalunok. nasabi ko na lang sa sarili ko na..

"gusto ko ng softdrinks.."
AYUN! sa tabi ng kalsada. may nagtitinda, muntik pa akong mapasigaw ng..---

POOOOPPPPPP!!!

pero naalala ko, nasa tapat nga pala ako ng isang premyadong unibersidad. baka ma-TO sa akin ang mga chiks.

---kelangan pa-COOL.. kelangan POGI..

kaya dahan-dahan na lang ako lumapit at tinanong ko ang tinderang mas lalaki pa ata ang porma kesa sa akin, napatingin sya sakin pero bumalik pa rin sa ginagawa nya..

ako: "tol (baka kasi sapakin ako pag tinawag kong "miss") magkanong POP?"

tindera/ro: (habang nagttxt) awozhawhuzhazhi..
ako: (ano raw? feeling ko nakausap ko si chicken little..) ahh.. magkano POP??
tindera/ro: (nagttxt pa rin)awozhawhuzhazhi..
ako: uhmm.. o sige pabili na lang ng POP.. isa.. (inisip ko na lang hindi naman siguro lalampas ng BENTE isa)
tindera/ro: PULA o LIGHTS??
ako: (nagtataka) POP??!??
tindera/ro: (pagulat) ah! pop ba?! kala ko MALBORO! sorry kala ko yosi bibilhin mo eh.. wala kaming malamig eh TROPICANA lang..
(teka.. POP.. MALBORO.. POP???...-- MALBORO??.. PAAAAPP.. MALLBOOOOHHH..--- ANLAYO AH!!!)
ako: ah, ok.. sige wag na lang..


gusto ko sana sabihin.. "hindi ako nagyoyosi.. nauuhaw lang ako.."
naisip ko tuloy..--- "mukha ba talaga kong hudlum??.." sabi ko na nga ba eh. feeling ko talaga paglapit ko pa lang sa kanya iniisip na nyang yosi bibilihin ko. siguro kung legal lang ang shabu..-- malamang ang tanong nya sa 'kin..--- "..ilang gramo??"

ilang beses na ba akong napagkakamalang GAGO, TARANTADO, at ADIK..? hindi ko na ata mabilang. teka---

-- mga alas diyes pasado na ata non. naisipan kong lumabas sa aming dating bording haus sa may sampaloc para tumawag sa pinakamalapit na pay phone. nakashort na pambasketbol, naka t-shirt na butas.. masaya ako, tatawag ako sa aking gelpren! (naks!) nang mapansin ko ang isang lalaking nauuna sa akin sa paglalakad at palinga linga sa akin, dalawa lang pala kami sa kalsada. bumibilis ang kanyang lakad. at maya maya'y lumipat sa kabilang parte ng kalsada palayo sa akin. ang tarantado! iniisip pa atang holdaper ako! kaya ang ginawa ko, pinagiisipan nya rin lang ako ng masama, pwes, pagtitripan kita! peksman, nakita ko kung pano siya manginig ng makitang binubuntutan ko siya san mang bahagi ng kalsada siya pumunta. hindi na rin siya naglalakad..-- nagjojoging na.. mejo mabilis nga lang.. kulang na lang ata sumigaw sya ng "MAGNANAKAW!!! MAGNANAKAW!!" muka na talaga kong kontra-bida sa pelikula. (gagong yun..)



~sa ibang pagkakataon naman..~


-- sem break. niyaya ako ng elementary bespren ko na itatago natin sa pangalang Julius na magswimming kasama ang barkada. masaya kaming nagkakatuwaan sa swimming pool ng biglang lumusong ang tatay ni Julius. lumapit sa akin sabay sabing..---

"..mukha kang gago.. GAGO ka ba??"

peksman.. natulala ako sa tanong na yun. patawa ko na lang na sinagot ng-- "hindi po.. mabuti po akong tao.." ewan ko ba. kilala naman ako ng tatay ni Julius. sabi nya pa nga..-- "di ba ikaw si Arfel? yun bespren ni Julius na nagpupunta sa bahay nun elementary pa kayo? haha, kala ko kasi gago ka eh.. mag-aral ka mabuti ha.. wag ka magda-drugs!" natawa ako.. natawa rin siya.. nagtawanan na kami lahat.


minsan naisip ko, magsabit kaya ko ng karatula sa leeg.. nakasulat---
"wag magpapeke sa nakikita.. mabuti ako, hindi ako masama.."

the boxer..

WEIGHING... 136.5 poundssssssssss!!!!


on the pink corner...---- wearing violet basketball SHIII---YYYOOOOORRTTTTSSS!!!
(with black laban o bawi logo)
with professional record of 55 losses 45 KOs 0 wins..


introducing..--- THE NEW! THE IMPROVED! VITAMIN B1 FORTIFIED.. at umiinom ng Cheripher araw araw..!!


**(janjararaaaaannnnn!!!)




PANNY MACQUIAO!!!!!

---marunong din mangulot, manicure at pedicure..
(ako kaya, ilang commercials kaya magagawa ko??)

**batteries not included**

maganda.. maganda.. masaya.. maligaya-- malungkot.. paumanhin..

sinong maaaring magkaila ng tapang ng isang bata.
paslit ng pangako sa munting ngiti nyang kukurot sa yong puso.
di ba't kay sarap tingnan.. pagmasdan.. ng kanyang matang kay lamlam??
munting anghel ng lupa, pano kung may sinasagupa??
di ba't parang siling susunog sa yong dila?
kalabang nais mong patulan, tulungan ang kawal sa kanyanang munting laban..
pero pano kung ang yong lakas ay walang kayang magpamalas?
na para bang gusto mo siyang iaangat.. buhatin sa iyong palad..
ilapit sa iyong dibdib.. akapin ng mahigpit/..
ilayo sa ugat ng kanyang paghihirap..

hikbi niyang paunti-unti..
parang kandilang sa pagkasindi'y natutunaw sa bawat sandali
nakikita mo silang matatapang.. matatapang kunwari..
pero ang batang munti, hindi bibigay.. siya'y lumalaban..
bukas kamay na kumakaway sa kirot na iniinda'y tila ikaw pa ang unang bibigay..
unang yuyuko.. unang magugupo..
sa bawat nyang hiyaw, iyak at luhang tila ginto..
sa unan ng yong kandungan, kay gaan ngunit tila di mo siya makayanan..

sinlamig ng bakal na pako, sinsakit habang unti-unting bumabaon sa yong puso.
tila gusto mong humiyaw.. "tama na! ako naman!!"
pero kaya mo ba talaga? gayong sa kaunting problema matanda'y dagling tatakbo na.


ramdam mong nais nyang pumalahaw ng malakas
upang ipahiwatig ang sakit na nadarama..
pero tila di niya kaya.. sadyang di niya kaya..
hanggang sa sakit ay makapagpahinga.
dahan-dahan napapikit ang mga mata.
tila namamaalam sa gabing nais na nyang kalimutan.
tama na muna ang sakit.. tama na muna ang iyak..
Panginoon pwede po ba, munti mong anghel bigyan pa ng pag-asa,
pag-asa sa marami pang umaga.
nang sa bawat pagtakbong may sigla, sa bawat takbong may sigla..
marinig kanyang tawang pinakamagandang musika.

bulaklak na namumukadkad sa araw na sumisikat.
unang dinilig ng malamig na hamog na galing sa Iyong palad.
Panginoon pwede ba?
munting anghel bawasan ang sakit na nadarama.
nang bukas pagmulat ng kanyang mata.
kami ay makakita ng ngiting mas maganda pa sa umaga.

..sana nga, ang buhay'y isang mumunting paraiso na lamang---